وه‌زيرى ده‌ره‌وه‌ى ڤاتیکان پيرۆزبايى له نێچيرڤان بارزانى ده‌كات
له نامه‌يه‌كى پيرۆزباييدا كه له ڕێگه‌ى باڵیۆزی ڤاتیکانه‌وه لە عیراق بۆ به‌ڕێز نێچيرڤان بارزانى نێردراوه، به بۆنه‌ى هه‌ڵبژاردنيانه‌وه به سه‌رۆكى هه‌رێمى كوردستان، پيرۆزبايى له به‌ڕێزيان ده‌كات و هيواى سه‌ركه‌وتنيان بۆ ده‌خوازێت.
له نامه‌كه‌يدا به‌ڕێز کاردینال پیترۆ پارۆلین، وه‌زيرى ده‌ره‌وه‌ى ڤاتيكان نووسيويه‌تى:
بە خۆشحاڵییەوە هیوای ئەوپەڕی سەرکەوتنتان بۆ دەخوازم لە دەستبەکاربوونتان وەک سەرۆك لە هەرێمی کوردستانی عێراق. داوا لە خودای گەورە دەکەم و ئومێده‌وارم به دانایی و تێگەیشتوویى و لێبووردەییتان لەو پۆستەدا، خودای گەورە بەڕێزتان و خانەوادەکەتان و هەموو خەڵکی هەرێم لە بەرەکەتەکانی پڕبەش بکات.
