مەسرور بارزانی گەیشتە مەکتەبی سیاسیی پارتی
مەسروور بارزانی بۆ وەرگرتنی ناوی کاندیدەکانی پارتی بۆ پۆستە وەزارییەکان لەگەڵ مەکتەبی سیاسیی ئەو حزبە لە کۆبوونەوەدایە و بڕیارە دواتر لەگەڵ یەکێتی و گۆڕان و چەند لایەنێکی تری بەشداربوو لە حکوومەت کۆ ببێتەوە.
کەمێک پێش ئێستا مەسروور بارزانی راسپێردراو بۆ پێکهێنانی حکوومەت لەگەڵ مەکتەبی سیاسیی پارتی کۆبوویەوە و بڕیارە لەو کۆبوونەوەیەدا پارتی ناوی کاندیدەکانی بۆ پۆستە حکوومییەکان رادەست بکات.
بەپیی زانییارییەکان دوای کۆبوونەوەی لەگەڵ پارتی، مەسروور بارزانی بۆ کۆبوونەوە لەگەڵ یەکێتی و گۆڕان سەردانی سلێمانی دەکات و لەو سەردانەیدا لەگەڵ هەریەک لە بزووتنەوەی ئیسلامی و سۆسیالیستیش کۆ دەبێتەوە.
