رۆژنامەیەكی عەرەبی: عەبادی بە پڕۆژەی سەربەخۆی كوردستان رازیبووە
خواكوڕك
بەپێی راپۆرتی رۆژنامەیەكی عەرەبی كە لە بارەی پرسی سەربەخۆی كوردستان نوسراوە, ئاماژە بەوە داوە كە سەرۆك وەزیرانی عێراق بە پرسی جیا بوونەوەو سەربەخۆی كوردستان رازی بووە پالپشتی لێدوانەكانی سەرۆكی هەرێمی كوردستان دەكات بۆ سەربەخۆیی.
رۆژنامەی (قودسی عەرەبی) لە راپۆرتێكەیدا ئاماژەی بۆ لێدوانێكی عەبادی كردووە كە لە شاری كەربەلا گوتویەتی:” هەرێمی كوردستان لە ساڵی 1991ـەوە نیمچە سەربەخۆیە، ئێمە هەوڵی بونیادنانی خاڵی هاوبەش دەدەین و بەرژەوەندیی هاوبەشیشمان هەیە“.
بەپێی راپۆرتی رۆژنامەكە, حەیدەر عەبادی، سەرۆك وەزیرانی عێراق پلانێكی ئاشكرا كردووە، كە دەوڵەتێك لە هەرێمی كوردستان لە چوارچێوی دەوڵەتی عێراق دروست دەكرێت, واتا لەسەرەتادا كۆنفیدرالی لە عێراق رادەگەیێنرێت.
ئەمەش دوای ئەوەهات كە سەرۆكی هەرێمی كوردستان لە رۆژی 16ـی تشرینی دووەمی 2016، لە شارەدێی باشیك لە پارێزگای نەینەوا وتارێكی بە ئامادەبوونی ژمارەیەك كەسایەتیی و زانای ئایینیی موسڵمان، مەسیحی و كوردی ئێزدی پێشكەش كرد, تێیدا ئاماژەی بەوە كرد كە پێشمەرگە لە ناوچە كوردستانییە رزگاركراوەكانی پارێزگای نەینەوا ناكشێتەوە و هەرێمی كوردستانیش لەگەڵ عێراق لەبارەی سەربەخۆیی كوردستانی باشوور رێككەوتووە.
