کۆبوونەوەی مەسرور بارزانی و بزووتنەوەی گۆڕان دەستی پێ کرد
کەمێک لەمەوبەر، له‌مه‌كۆی گۆڕان له شاری سلێمانى كۆبوونه‌وه‌ى مه‌سرور بارزانى راسپێردراو بۆ پێكهێنانى كابینه‌ى نوێی حكومه‌تى هه‌رێمی كوردستان له‌گه‌ڵ شاندی بزووتنه‌وه‌ى گۆڕان به‌سه‌رۆكایه‌تى جه‌لال جه‌وهه‌ر و مسته‌فای سه‌ید قادر ده‌ستى پێكرد
دوای کۆتاییهاتنی سەردانەکەی بۆ لای هەریەک لە یەکێتیی نیشتمانیی کوردستان و حزبی سۆسیالیست دیموکراتی کوردستان، مەسرور بارزانی و شاندی یاوەری، گەیشتنە مەکۆی سەرەکیی بزووتنەوەی گۆڕان لە گردی زەرگەتەی شاری سلێمانی.
كۆبوونه‌وه‌ى مه‌سرور بارزانی لەگەڵ شاندی بزوتنه‌وه‌ى گۆڕان بۆ تاوتوێکردنی به‌شداری بزووتنەوه‌ى گۆڕان له‌به‌شداری له کابینەی نوێی حکوومەتی ھەرێم و کاندیدی ئەو کەسانەی کە گۆڕان بە شیاوی دەزانێت بۆ پۆستەکان بەتایبەت بۆ پۆستی وەزیرەکانی له‌كابینه‌ى نۆیه‌می حكومه‌تى هه‌رێم.
