هایکو ماس : پشتیوانی کردن لە بەردەوامی ڕێکەوتنی ئەتۆمی ئێران ئیتر زۆر زەحمەتە
بە پێچەوانەی بەریتانیا ، بەشێک لە وڵاتانی ئەورووپایی پشتیوانی خۆیان بۆ بۆچوونی ئەمریکا دەرنەبڕیوە کە پەی وایە هێرش بۆ سەر کەشتیەنەوت هەڵگرەکانی کەنداوی عەممان کاری ئێرانە .
وەزارەتی دەرەوەی ئاڵمانیا ، لوکزامبۆرگ ، هۆڵەندا و نەمسا ، ڕۆژی دووشەممە لە پەراوێزی کۆبوونەوەکانی وەزیرانی دەرەوەی یەکیەتی ئەورووپا لە لوکزامبۆرگ ڕایانگەیاند ئێستاش تەواو دڵنیا نین کێ تاوانباری سەرەکی ئەم هێرشانەیە و سەرقاڵی لێکۆڵینەوەی بەڵگەکانی خۆیان و ئەمریکاین و هەڵسەنگاندنیان بۆ دەکەن.
هایکو ماس وەزیری دەرەوەی ئاڵمانیا لەم بارەوە دەڵێت : هەرچەند وڵاتەکەی زانیاریەکانی ئەمریکا و بەریتانیای وەرگرتووە ، بەڵام ئیستا نەگەیشتوینەتە بڕیاری کۆتایی . چوونکە کێشەیەکی هەستیارەو پێویستە زۆر بە وردی لێکۆڵینەوەی بۆ بکرێت ، بەڵام بەگشتی : پشتیوانی کردن لە بەردەوامی ڕێکەوتنی ئەتۆمی ئێران ئیتر زۆر زەحمەتە
