مانچێستەر یونایتد دوو یاریزانی بارسێلۆنای کردۆتە ئامانج

بەرپرسانی یانەی مانچێستەر یونایتدی ئینگڵاند دەیانەوێت هەردوو یاریزانی بارسێلۆنا فلیپ کۆتینهۆ و ئیڤان راکێتیچ بگوازنەوە ریزەکانیان.

ماڵپەری مۆندۆ دێپۆرتیڤۆ نزیک لە بلاوگرانا بڵاویکردۆتەوە یانەی ئینگلیزیەکە وەک شوێنگرەوەی پۆل پۆگبای ناوەڕاستکاری فڕەنسی یانەکەیان، دەیانەوێت هەردوو ناوەڕاستکاری یانە کەتەلۆنیەکە بگوازنەوە ریزەکانیان و بۆ ئەم مەبەستەش ئامادەکارییەکانیان دەست پێکردووە.

لەلایەن خۆیانەوە ماوەی رابردوو بارسێلۆنا ئامادەیی نیشانداوە لە ئەگەری گەیشتنی ئۆفەری باش، دەستبەرداری ئەو دوو یاریزانەیان دەبن.