ئەمریکا خستنە خوارەوەی فڕۆکەیەکی بێفڕۆکەوانی خۆی لە لایەن ئێرانەوە پشتڕاست کردەوە
سوپای ئەمەریکا لەسەر تێکشاندنی فڕۆکەیەکی بێ فڕۆکەوانی ئەمەریکی لە لایەن ئێرانەوە رایگەیاند، فڕۆکەکەیان لە خاکی ئێراندا نەکراوەتە ئامانج ، بەڵکو مووشەکی ئێرانی لە ئاسمانی گەرووی هورموز پێکاویەتی .
ئاژانسەکانی هەواڵی رۆیتەرز و ئاسۆشیتێد پرێس لەزار چەند سەرچاوەیەکی سەربازیی ئەمەریکیەوە ئاشکرای دەکەن ، ئێران نەک لە ئاسمانی وڵاتەکەی بەڵکو فڕۆکە ئەمەریکییەکەی لە ئاسمانی گەرووی هورموز خستووەتەوە.
ئاژانسی ئیرنا زمانحاڵی دەسەڵاتی ئێران پێشتر بڵاویکردبووەوە، سوپای پاسدارانی ئێران فڕۆکەیەکی بێ فڕۆکەوانی ئەمەریکیان لە کاتی بەزاندنی سنووری ئێران پێکاوە ، پێشتر بەرپرسانی ئەمەریکا هەواڵەکەیان رەتکردەوە.
