ڕای سعودیا لە سەر پرۆسەی ئاشتی ڕۆژهەڵاتی ناوەراست و فەلەستین تایبەت دەردەکەوێت
ئەلجوبێر : ئەوە فەلەستینیەکانن بڕیار لە سەر داهاتووی پرۆسەی ئاشتی ڕۆژهەڵاتی ناوەراست دەدەن .
عادڵ ئەلجوبێر ڕاوێژکاری بەشی سیاسەتی دەرەوەیی سعودیا ڕۆژی یەکشەم ڕایگەیاند : دەبێت پێشوازی لە بەرقەرای ئاسایش و بەرەوپێشبردنی ژیانی ڕۆژانەی فەلەستینیەکان بکرێت بەڵام ڕێرەوە سیاسیەکانی چارەسەری کێشەی ئیسرائیل گرینگی تایبەتی هەیە .
ئەلجوبێر لە چاوپیکەوتنێکی کەناڵی ( فەڕەنسا 24 ) سەبارەت بە پێشنیاری ئابووری ئەمریکا بۆ بەرژەوەندی ڕەوتی ئاشتی ڕۆژهەڵاتی ناوەراست گووتی : بەڕای من هەر ڕێکارێک بێتە هۆی بەرژەوەندی فەلەستینیەکان دەبێت پێشوازی لێ بکرێت ، لە ئیستادا دەڵیم چۆنیەتی دیپلۆماسی سیاسی زۆر گرینگە .
بە پێی ڕاپۆرتی ئەلعەرەبیە ، وەزیری راوێژکاری بەشی سیاسەتی دەرەوەیی سعودیا لە درێژەدا دەڵێت : ئەوە گەلی فەلەستینە بڕیار دەدات بۆیەش هەر رێکارێک ئەوان قەبوڵی دەکەن دەبێت جیهانی عەرەب پشتیوانی لێ بکات .
ئەلجوبێر دەڵێت : ریاز لەسەر ئەم سیاسەتەی کە دەبێت دەوڵەتی فەلەستینی بە لەبەرچاوگرتنی سنوورەکانی ساڵی 1967 دابنەزرێت بەردەوامە و بەردەوامیش دەبێت .
