ئێران بێ هیوا بووە لە رێکەوتنی ئەتۆمی
تەخت ڕەوانچی لە ئەنجوومەنی ئاسایش : ئیتر ناتوانین لە ڕێکەوتنی ئەتۆمی بەر دەوام بین
ئێران ڕۆژی چووارشەممە هۆشداری دایە ئەنجوومەنی ئاسایشی نێودەوڵەتی و گووتی سەرەڕای داخوازی بەردەوامی وڵاتانی ئەوروپایی بۆ بەردەوامی لە ڕێکەوتنی ئەتۆمی بەڵام کاتێک هیچ ڕێکارێکی جێگرەوەی جێگەی باوەڕ بۆ ئاشتی نەبێت ، ناتوانین بەردەوام بین .
مەجید تەخت ڕەوانچی نوێنەری هەمیشەیی ئێران لە نەتەوە یەکگرتووەکان ڕووی کردە ١٥ ئەندامی ئەنجوومەنی ئاسایش و گووتی :بە دەرچوونی ئەمریکا لە ڕێکەوتنی ئەتۆمی و گێڕانەوەی سزا ئابوریەکان بۆ سەر ئێران ڕێکەوتنی ئەتۆمی وەک هەڵوەشاوە سەیر دەکرێت .
ئێران هۆشداری داوەتە وڵاتانی ئەورووپایی ئەگەر بێت و ڕێکاری تایبەتی خۆیان بۆ بەردەوامی ڕێکەوتنی ئەتۆمی نەگرنە بەر ئەوا ئێران لە ڕۆژانی داهاتوودا بە یەکجاری لە ڕێکەوتنەکە پەشیمان دەبێتەوە ، پیتاندنی یۆرایۆم دەست پێدەکەینەوەو لە ڕێژەی دیاریکراوی بڕیارنامەکانی نێودەوڵەتی تێدەپەڕێنین .
پێویستە بگوترێت لە سەرەتای دەرچوونی ئەمریکا لە ڕێکەوتنی ئەتۆمی ، یەک لە هەرە بەرچاوترین ووتاری ڕێبەرانی ئێران ئەوە بوو ، بەدەرچوونی ئەمریکا لەم ڕێکەوتنە هیچ ئاڵ و گۆرێت نایەتە ئاراوە .
