واشنتۆن سوورە لەسەر داڕمانی یەکجارەکی ئابووری ئێران

ستیفن مێنۆچێن وەزیری گەنجینەی ئەمریکا ڕایگەیاند واشنتۆن مگوڕە لەسەر  زیادکردنی سـزا ئابووریەکانی دژی ئێران بە مەبەستی لاوازکردنی ڕژێمی دەسەڵاتدار لە تاران

مێنۆچێن لە چاوپێکەوتنێکی لەگەڵ تۆڕی ” سی ئێن بی سی ”  لێدوانەکانی مایك پۆمبیۆ وەزیری دەرەوەی ئەمریکا پشتڕاست کردەوە کە پێی وابوو سزاکان 80 % ی ئابووری ئێرانی کردووتە ئامانج و گوتی  لە هەوڵ داین ڕێژەی سزاکان بەرزکەینەوە بۆ 100 % دژی ئابووریەکەیان

هەندێ لە یاساناسانی نێو کۆنگریس گوتیان لە ئاراستەیەکین بۆ دەرکردنی بڕیارێك بۆ دەستبەسەر داگرتنی پارە پلۆککراوەکانی ئێران بەرامبەر نڕخی فڕۆکە بێفڕۆکەوانەکە کە خستیانە خوارەوە و لە جۆری ” MQ-4C ” و نڕخی دەگاتە 150 ملیۆن دۆلار