سه‌رۆك بارزانی: خوالێخۆشبوو نیشتیمانپه‌روه‌ر و به‌رگریكار بووه له ماف و ئازاره‌كانی میلله‌ته‌كه‌ی
سه‌رۆك مه‌سعود بارزانی، به بۆنه‌ی كۆچی دوایی نووسه‌ر و رۆژنامه‌نووس، عه‌بدولغه‌نی عه‌لی یه‌حیا، په‌یامی سه‌ره‌خۆشی ئاراسته‌ی بنه‌ماڵه‌كه‌ی ده‌كات و رایده‌گه‌یه‌نێت، خوالێخۆشبوو نووسه‌ر و رۆژنامه‌نووسێكی نیشتیمانپه‌روه‌ر و به‌رگریكار بووه له ماف و ئازاره‌كانی میلله‌ته‌كه‌ی.
ئەمڕۆ شەممە 29/06/2019 عەبدولغەنی عەلی یەحیا، نووسەر و رۆژنامه‌نووس و شرۆڤه‌كارى سیاسى، کۆچی دوایی کرد.
عەبدولغەنی عەلی یەحیا لە ساڵی 1943 لە گوندی “گردەپان” سەر بە قەزای ئاکرێ لە دایکبووە و قۆناغەکانی خوێندنی لە شاری مووسڵ تەواوکردووە.
ده‌قی په‌یامی سه‌ره‌خۆی سه‌رۆك بارزانی:
“بەناوی خودای بەخشندە و میهرەبان
به‌ڕێزان له خانه‌واده‌ی خوالێخۆشبوو عه‌بدولغه‌نی عه‌لی یه‌حیا
بەداخێكی زۆرەوە هەواڵی كۆچی دوایی نوسه‌ر و رۆژنامه‌نووس (عه‌بدولغه‌نی عه‌لی یه‌حیا)ـمان پێگه‌یشت.
خوالێخۆشبوو نووسه‌ر و رۆژنامه‌نووسێكی نیشتیمانپه‌روه‌ر و به‌رگریكار بووه له ماف و ئازاره‌كانی میلله‌ته‌كه‌ی، به‌م بۆنه خه‌مناكه‌وه سه‌ره‌خۆشی له خانه‌واده و كه‌سوكار و نوسه‌ر و رۆژنامه‌نووسان ده‌كه‌م و خۆم به هاوبه‌شی خه‌متان ده‌زانم.
له خودای مه‌زن داواكارم خوالێخۆشبوو به به‌هه‌شتی به‌رین شاد بكات و سه‌بر و ئارامی به هه‌موو لایه‌ك ببه‌خشێت.
انالله و انا الیە راجعون
مەسعوود بارزانی
29ـی6ـی2019”
له‌م چوارچێوه‌یه‌دا، نێچیرڤان بارزانی، سه‌رۆكی هه‌رێمی كوردستان، په‌یامێكی سه‌ره‌خۆشی ئاراسته‌ی بنه‌ماڵه‌ی نووسه‌ر و رۆژنامه‌نووس، عه‌بدولغه‌نی عه‌لی یه‌حیا كرد.
ده‌قی په‌یامه‌كه‌ی نێچیرڤان بارزانی:
کۆچی دواییی نووسەر و ڕۆژنامەنووس مامۆستا عەبدولغەنی عەلی یەحیا خەمباری کردین. پرسە و سەرەخۆشیمان ئاراستەی خانەوادەی بەڕێزی خوالێخۆشبوو، کەسوکار و دۆست و هاوڕێیانی و سەرجەم ڕۆژنامەنووسانی کوردستان دەکەین.
خوالێخۆشبوو تەمەنێکی زۆری بەخشییە کایەی نووسین و ڕۆژنامەنووسی و لەم بوارەدا خزمەتێکی زۆری پێشکەش کرد.
ئارامی بۆ گیانی مامۆستا و سەبووری و دڵنەوایی بۆ خانەوادە و کەسوکاریان، هاوبەشی خەمیانین.
نێچیرڤان بارزانی
سه‌رۆکی هه‌رێمی کوردستان
29/6/2019
لەم چوار چێوەیەدا دەزگای رۆشنبیری و راگەیاندنی پارتی پرسەنامەیەكی بڵاوكردووتەوە و ئەمەی خوارەوە دەقەكەیەتی:
پرسەنامەی دەزگای رۆشنبیریی و راگەیاندنی
پارتی دیموكراتی كوردستان
بۆ كۆچی دوایی نووسەر و رۆژنامەنووس(عەبدولغەنی عەلی یەحیا)
بەڕێزان خانەوادەی رۆشنبیر و نووسەر و رۆژنامەنووس(عەبدولغەنی عەلی یەحیا)
بەداخ وپەژارەیەكی زۆرەوە هەواڵی كۆچی دوایی نووسەر و شرۆڤكاری سیاسی(عەبدولغەنی عەلی یەحیا) مان پێگەیشت، بەو بۆنە خەمناكەوە پرسە و سەرەخۆشی خۆمان ئاراستەی ئێوەی بەڕێز و كەس وكار و بنەماڵەكەتان و تەواوی ھەڤاڵ و ھاوکارانی دەكەین و خۆمان بە هاوبەشی خەمتان دەزانین.
خوالێخۆشبوو (عەبدولغەنی عەلی یەحیا) لە ساڵی 1943 لە شارۆچكەی ئاكرێ لە دایك بووە، لەسەرەتای شەستەكانەوە دەستی بە نووسین كردووە و یەكەم وتاری لە رۆژنامەی(الاستقلال)لە بەغدا بڵاوبۆتەوە، لە 1963 پەیوەندی بە هێزی پێشمەرگەی كوردستانەوە كردووە و، لە ساڵی 1970 وەك نووسەر و پەیامنێر بۆ ماوەی چوار ساڵ لە رۆژنامەی(التاخی) كاری كردووە، سێ ساڵ لە گۆڤاری(الثقافە)كاری كردووە و لەساڵی 1973 بۆتە ئەندامی دەستەی نووسەرانی رۆژی كوردستان، لە ساڵانی1974-1975 لە رادیۆی دەنگی كوردستان-عیراق كاری كردووە، دوای راپەڕینیش بەردەوام بووە لە كاری رۆژنامەنووسیی و راگەیاندن.
هەڤاڵ(عەبدولغەنی عەلی یەحیا ) لە ساڵی 2004 ئەندامی لقی(14)ی پارتی دیموكراتی كوردستان بووە و دامەزرێنەر و بەرپرسی لقی موسڵی سەندیکای رۆژنامەنووسانی کوردستان بووە و، كەسایەتی و شرۆڤەكارێكی سیاسی بەتوانا بوو، كادیرێكی شارەزا و لێهاتووی راگەیاندن و قاڵبووی بواری رۆژنامەنووسیی بوو، نووسەرێكی بەهرەمەند و خاوەن قەڵەمێكی بەبڕشت و تایبەت بە خۆی بوو بە تایبەتی لە رووی زمانی عەرەبیەوە، هەروەها لەرێی بەرهەم ونووسین و چاپكراوەكانی خزمەتێكی زۆری رۆژنامەنووسیی وكولتور و رۆشنبیریی كوردی كردووەو لەو تەمەنەی بەخششیدا چەندین بەرپرسیاریەتی پێ سپێردراوە ولەچەندین دەزگا و ناوەندی میدیایی خزمەتی کردوە.
بە كۆچی دوایی ئەو رۆشنبیر و نووسەر و رۆژنامەنووسە، درزێكی دیكەی دیار و گەورە كەوتە نێو بواری رۆژنامەوانیی و رۆشنبیریی و راگەیاندن و قەڵەمێكی دیكەی لەدەست دا، هیوادارین هاوخەمیی و دڵنەوایی هەڤاڵانی و هاوپیشانی ببێتە مایەی ئاارمیی و سەبووریتان و لە خە م و خەفەتتان كەم بكاتەوە.
جارێكی دیكە پرسە و سەرەخۆشی خۆمات دووپات دەكەینەوە و ئومێدەوارین لە خەم و ئازار و كۆستی دیكە بە دوور بن و جێگای خوالێخۆشبووش بەهەشتی بەرین بێت…
دەزگای رۆشنبیریی و راگەیاندنی
پارتی دیموكراتی كوردستان
29/6/2019
