بە پەلە ، ڕاگەیەندراوی هاوبەشی ئەورووپا وەک هۆشدارییەک بۆ ئێران
وڵاتانی ئەورووپایی نیگەرانی قوڵی خۆیان لە هەمبەر بەرزکردنەوەی پیتاندنی یۆرانیۆم لە لایەن ئێرانەوە دەربڕی
فەڕەنسا ، بەریتانیا ، ئاڵمانیا و یەکیەتی ئەرووپا ڕۆژی سێشەممە بە بڵاوکردنەوەی ڕاگەیەندراوێکی هاوبەش ، نیگەرانی مەترسیداری خۆیان لە هەمبەر بەرزکردنەوەی پیتاندنی یۆرانیۆم لە لایەن ئێرانەوە دەربڕی .
لەم ڕاگەیەندراوە هاوبەشەدا داوایان لە ئێران کردووە پێویستە لە هەر کردارێک کە ببێتە هۆی پێشێلکردنی خاڵەکانی ڕێکەوتنی ئەتۆمی خۆ ببوێرێت .
لە بەشێکی تری ڕاگەیەندراوەکەدا هاتووە ، پابەندی وڵاتانی ئەورووپایی بە ڕێکەوتنی ئەتۆمی ئێران ، گرێدراوە بەوەی ئێران هەموو یاساکانی ڕێکەوتنەکە موو بە موو جێبەجێ بکات ، دەنا ئێمەش رێکەوتنەکە هەڵدەوەشێنینەوە .
