وەزارەتی گواستنەوە و گەیاندن: لە ئێستا هاوڵاتیان دەتوانن پۆستەكانیان بۆ دەرەوە بنێرن

دوای ئەوەی بەبڕیارێکی حکومەتی عێراق پاش خیانەتی ۱٦ـی ئۆکتۆبەر و هێڕشکردنە سەر هەرێمی کوردستان، پۆستەکانی هەرێمی کوردستان بە ڕووی جیهان داخران، پاش هەوڵەکانی حکومەتی هەرێم لە ئێستادا وەزارەتی گواستنەوەو گەیاندن ڕایدەگەیەنێت، ڕایگەیاند، یەكێتیی پۆستەی جیهانی ڕەزامەندی دەربڕێوە بە ناردنی پۆستە لە كوردستانەوە بۆ گشت جیهان و بە پێچەوانەشەوە.

ئومێد محەمەد، وتەبێژی وەزارەتی گواستنەوە و گەیاندنی حكوومەتی هەرێمی كوردستان بە ماڵپەڕی فەرمیی پارتی ڕاگەیاندوە: ” پاش تێکچوونی پەیوەندیەکانی هەرێم و عێراق لە ساڵی رابردوو کارەکانی پۆستە بۆ دەرەوەوە و بە پێچەوانەی وەستێندرا، بەڵام لەسەر داوای ئێمە یەکێتی پۆستەی جیهان بڕیاری دەست پێکردنەوەی پۆستە لە نێوان هەرێمی کوردستان و جیهان دەستی پێکردەوە.

وتەبێژی وەزارەتی گواستنەوە و گەیاندن ئاماژەی بەوەش دا: “ئێستا هاووڵاتییانی هەرێمی كوردستان دەتوانن لە ڕێگای بەڕێوەبەرایەتیی پۆستەكانی سەر بە وەزارەتی گواستنەوە و گەیاندنەوە پۆستەكانیان بنێرن بۆ هەر وڵاتێك كە دەیانەوێت.”