ئاژانس :ئیڕان سنووری یاسایی پیتاندنی یۆرانیۆمی تێپەڕاند
فەڕەنسا هەڵویستی تایبەتی هەیە
سەرەڕای ئەوەی ئاژانسی نێودەوڵەتی وزەی ئەتۆم پشتڕاستی کردۆتەوە ئێران سنووری یاسایی پیتاندنی یۆرانیۆمی تێپەڕاندووە ، رۆیتەرز باس لە سەردانی دوو ڕاوێژکاری سەرۆک کۆماری فەڕەنسا بۆ تاران دەکات بۆ ئەوەی گرژییەکانی نێوان تاران و ئەمریکا بڕەوێننەوە .
وتەبێژی یوکیا ئامانۆی سکرتێری گشتی ئاژانسی نێودەوڵەتی وزەی ئەتۆم دەڵێت : ئێران سنوری ڕیژەیی ٣.٦٧ لە سەتی پیتاندنی یۆرانیۆمی تێپەڕکردووە و یاساکانی ڕێکەوتنی ئەتۆمی پێشێل کردووە ، ئەم زانیاریەش لە دووای پشکنینی چەند نمونەیەکی ئۆرانیۆمی پیتێندراوی ئێران پشتڕاست کراوەتەوە .
ناوەندی ئەتۆمی ئێران سەرلە بەیانی ڕۆژی دووشەممە گوتبووی پیتاندنی یۆرانیۆممان گەیاندۆتە ٤.٥ لە سەت و ئاژانسی وزەی ئەتۆمیش بەم زووانە ئەوە ڕادەگەێنێت .
ئێران بەو کارەی دەیەوێت گووشار بخاتە سەر شەریکە ئابوریەکانی ئەورووپایی خۆی بۆ ئەوەی هەرچی زووتر ئینس تێکس یان هەمان ڕێکاری بانکی ئابووری لە گەڵ ئەو وڵاتە بگرنە بەر .
