بەربەستێکی گەورە لە بەردەم نێیمار درووست بووە
نێیمار داسیلڤا، هێرشبەری بڕازیلی بۆ پەیوەندیکردن بە ریزەکانی بارسێلۆنا، سەرەتا پێویستە باجی خەزێنەی ئیسپانیا بدات.
رۆژنامەی وەرزشی مۆندۆ دێپۆرتیڤۆی کەتەلۆنی بڵاویکردۆتەوە، یاریزانە بڕازیلیەکە ئەو کاتەی لەو چوار ساڵەی لە ریزەکانی بلاوگرانا یاریکردووە، بڕی 35 ملیۆن یۆرۆ وەکو باج قەرزاری خەزێنەی ئەم وڵاتەیە، بۆیە پێویستە سەرەتا ئەم قەرزەی بداتەوە دواتر گرێبەستەکەی واژۆ بکات.
سەرچاوەکە ئەوەشی بڵاو کردۆتەوە دوور نیە ئەم بەربەستە ببێتە رێگر لە بەردەم گەڕانەوەی نێیمار بۆ ریزەکانی بارسێلۆنا.
