ئەنقەرە ئاشکرای کرد لەگەڵ موسڵ هاوکار دەبین دژی پەکەکە

باڵیۆزی تورکیا لە عێراق فاتیح یەڵدز ئەمڕۆ دوو شەممە هاوکاری نێوان ووڵاتەکەی و حکومەتی موسلی ئاشکرا کرد دەربارەی دژایەتی و لە نێو بردنی پارتی کرێکارانی کوردستان ” pkk ” لە قەزای شنگال

یەڵدز لە کۆنگرەیەکی ڕۆژنامەنووسی دا لەگەڵ پارێزگاری موسل مەنسوور مەرعید گوتی لە مانگی حوزەیران ڕەزامەندی حکومەتی ناوەندمان وەرگرتووە بۆ کردنەوەی کۆنسولگەری تورکیا لە موسل و بە نزیکترین کات دەست بە کارەکانی خۆی دەکات

باڵیۆز ئاماژەی دا کە لە پەیوەندی دان لەگەڵ دەسەڵاتدارانی نێوخۆیی موسل دەربارەی پرۆژە بازرگانیەکان و سەرمایەداری لەو شارە وکەرتی گواستنەوە و گەیاندن  و دووپاتیشی کردەوە کە موسل پێویستی بە ئاوەدانکردنەوە و پێشکەوتنی ئابووری هەیە