پۆرتۆگال بە هۆکاری ئاسایشی ڤیزە بە ئێرانیەکان نادات
ئاگۆستۆ سانتووس سیلڤا . وەزیری دەرەوەی پۆرتۆگال رۆژی سێشەممە کۆمیتەی پەرلەمانی وڵاتەکەی ئاگادار کردەوە بە هۆکاری ئەمنی پێدانی ڤیزەی بۆ ئێرانیەکان ڕاگرتووە .
وەزیری دەرەوەی پۆرتۆگال لە وڵامی ئەندامێکی کۆمیتەی پەرلەمانی وڵاتەکەی لە کۆبوونەوەیەکی ئاشکرا کە لە کەناڵەکانی تیڤی پۆرتۆگالەوە بڵاو دەکرایەوە گووتی : بێگومان لە بەر پاراستنی ئاسایشی وڵات ئەم بڕیارە دراوە ، دوواتر شیکاری بۆ دەکەم بە ڵام بە شێوەی ڕاستەوخۆ نابێت .
لە درێژەدا بێ ئەوەی ئاماژە بەوە بکات چ کاتێک ئەو بڕیارە دراوە دەڵێت : ئێمە بۆ پاراستنی خاکەکەمان کەمتەرخەمی ناکەیین .
بەرپرسی کۆمیتەی پەرلەمانی پۆرتۆگال لە دووای دوو کاتژمێر پەخشی ڕاستەوخۆی وەستاند و کۆبوونەوەکە بە شێوەی داخراو بە ڕێوە چوو .
