سعوودیا ڕەزامەندی خۆی بۆ جێگیرکردنی سەربازانی ئەمریکایی لە وڵاتەکەی دەربڕیوە
سەلمان بن عەبدلعەزیر ، پاشای سعوودیا گووتی : جێگیر بوونی سەربازانی سوپای ئەمریکا لە وڵاتەکەیدا بۆ پاراستنی ئاسایش و ئارامی ناوچە کارێکی بەجێیە .
ڕاگەیاندنە فەرمیەکانی سعوودیا لە کاتێکدا ئەم هەواڵەیان بڵاو کردەوە کە کێشەو تەنگەژەی نێوان ئێران و وڵاتانی رۆژئاوایی لە گەرووی هورمز گەیشتۆتە ئەو پەڕی خۆی .
هاوکات سوپای پاسداران شەوی هەینی ڕایگەیاند دەستیان بە سەر کەشتیەکی نەوت هەڵگری بەریتانی بە ناوی ئەستنا ئیمپرۆ داگرتووە کە بە نیاز بووە لە گەروی هورمزەوە تێپەڕێت .
وەزارەتی بەرگری سعوودیا ڕایگەیاند کە پەسەند کردنی و بڕیاری جێگیر کردنی سەربازانی سوپای ئەمریکا لە وڵاتەکەیاندا بۆ پەرەپێدانی هاوکاری هاوبەش و پارێزگاری لە ئاسایشی ناوچە ،ئاشتی پارێزییە .
وەزارەتی بەرگری ئەمریکا رۆژی هەینی ڕایگەیاند کە چاودێری گشتی وەزارەتخانە ڕەزامەندی خۆی بۆ ناردنی هێزەکانی ئەمریکایی بۆ سعوودیا بە هەموو پێداویستیەکانی سەربازییەوە دەربڕیوە .
