ڕاگەیەندراوی حکوومەتی هەرێمی کوردستان سەبارەت بە دەستگیرکردنی ” مەزلوم داغ “

ڕاگەیەندراوێک سەبارەت بە دەستگیرکردنی ( مەزلوم داغ ) پلاندارێژ  و بکوژی سەرەکی کردەوە تیرۆریستیەکەی ڕێستورانتێکی  شاری هەولێر لە لایەن وتەبێژی حکومەتی هەرێمی کوردستانەوە بڵاو کرایەوە .

لە ڕاگەیەندراوەدا دڵنیایی دەدرێتە هاووڵاتیانی هەرێمی کوردستان کە بە زووترین کات هەموو تاوانبارانی تر کە دەستیان لەم پیلانەدا هەبووە دەستگیر دەکرێن .

ده‌قی راگه‌یه‌ندراوه‌كه‌ی گوته‌بێژی حكوومه‌تی هه‌رێمی كوردستان:

“دوای هەڵمەتێکی فراوانی هێزەکانی ئاسایشی هەرێمی کوردستان، ( مەزلوم داغ )ی سەرپەرشتیار و بکوژی سەرەکی کردەوەی تەقەکردن لە رێستورانتێکی شاری هەولێر، لەلایەن هێزی دژە تیرۆری کوردستانەوە دەستگیر کرا.

ئێمە لە کاتێکدا سوپاسی  هێزەکانی ئاسایش و دژە تیرۆری کوردستان دەکەین کە بە خێرایی توانیان تاوانبارەکە دەستگیر بکەن. سوپاسی هاووڵاتیانی هەرێمی کوردستانیش دەکەین بۆ هاوکاری و پەرۆشیان.  دڵنیاشتان دەکەینەوە کە  ھەوڵەکان بۆ دەستگیرکردنی ھەموو تاوانبارانی پەیوەندیدار بەم رووداوە بەردەوامە.

گوتەبێژی حکوومەتی هەرێمی کوردستان

شەممە 20/7/219”