زیانەکانی زۆر خواردنی پەتاتە
زۆر خواردنی پەتاتە مەترسیەکانی تووشبون بەنەخۆشی شەکرە زیاتر دەکات.
بەپێی توێژینەوەیەک کە لەلایەن ژمارەیەک لە زانایانی ژاپۆنەوە ئەنجامدراوە دەرکەوتووە ، خواردنی پەتاتە بەشێوەیەکی بەردەوام کە لە حەوت ژەم زیاتر بێت لە ھەفتەیەکدا ، مەترسیەکانی توشبونی مرۆڤ بە جۆری دووەمی نەخۆشی شەکرە زیاتر دەکات.
لە توێژینەوەکەدا زانایان پشکنینی چل و دوو ھەزار کەسیان بەکارھێناوە کە بۆ ماوەی چوار ساڵ جۆری خۆراکەکانیان تۆمارکردووە و لە ئەنجامدا دەرکەوتووە کە ئەو کەسانەی ھەفتانە لە حەوت ژەم زیاتر پەتاتەیان خواردووە بە رێژەی لەسەدا سی و سێ زیاتر دووچاری توشبون بە جۆری دووەمی نەخۆشی شەکرە بوون بەراورد بەو کەسانەی کەمتر پەتاتەیان خواردووە.
نەخۆشی شەکرە یەکێکە لە نەخۆشیە درێژخایەنەکان کە ملیۆنان کەس لە سەرتاسەری جیھاندا پێوەی دەناڵێنن .
