پۆمپیۆ: ئامادەم سەردانی ئێران بكەم بۆ ئەنجامدانی دانوستان
وەزیری دوەرەوەی ویلایەتە یەكگرتوەكانی ئەمریكا رایگەیاند، ئامادەیە بە مەبەستی ئەنجامدانی دانوستان و راستەوخۆ گفتوگۆكردن لەگەڵ گەلی ئێراندا سەردانی ئەو وڵاتە بكات.
مایك پۆمپیۆ، وەزیری دەرەوەی ئەمەریكا، لە چاوپێكەوتنێكدا لەگەڵ ئاژانسی بلومبێرگی ئەمەریكی رایگەیاند “ئامادەیە بچێتە تاران و سەبارەت بە سیاسەتەكانی ئەمەریكا و ئاشكراكردنی راستییەكان، لە نزیكەوە لەگەڵ گەلی ئێرانی قسە بكات”.
پۆمپیۆ ئاماژەی بەوەشكرد “ئەو ئامادەیە بۆ گەلی ئێرانی روون بكاتەوە كە سەركردایەتی ئێران چی نەهامەتییەكیان رووبەرووی گەلەكەیان كردووەتەوەو چۆن وڵات و گەلی ئێران بەرەو نەهامەتی دەبەن”..
ئەمەش لەكاتێكدایە رۆژ بەرۆژ مشت و مڕو ململانێكانی نێوان هەردوو وڵات بەرەو ئاڵۆزی زیاتر دەچێت”..
