پەكەكە كێشەی گەورەی تێكەوت, دەیان گەریلا دەستگیركراون و بوونەتە قوربانی دوو باڵی نێو پەكەكە
لەگەڵ ئالۆز بوونی كێشەی نێوەخۆی پەكەكە بە تایبەت دوای دابەشبوونیان بەسەر هەردوو وڵاتی توركیا و ئێران , لە ئێستادا ئەو دوو باڵەی پەكەكە دژ بە یەك چالاكی ئەنجامدەدەن, بە پێی هەواڵێكی میدیای پەكەكە ژمارەیەك گەریلای خۆی بە تۆمەتی سیخوڕی و پەیوەندی بە دەزگا هەواڵگرییەكان دەستگیر كرد.
میدیای فەرمیی پەكەكە بڵاوی كردووەتەوە كە ئەو كەسانە لەلایەن هێزەكانی پاراستنی گەل (هەپەگە)وە دەستگیر كراون و ئەمشەو بەشێكی دانپێدانانەكانیان بە ناونیشانی (كرمی دار)بڵاو دەكرێتەوە و سەرجەمی دانپێدانانەكانیش ٦ بەشە, كە لە نێویدا سیوخوڕی بۆ ئیتلاعات و میتی توركیا كراوە..
میدیای پەكەكە ئاشكرای كردووە كە لە دانپێدانانەكاندا دەستگیركراوانی پەكەكە كە ئەوان بە سیخوڕ ناساندوویانن، ئەو كارانە ئاشكرا دەكەن كە دژ بە پەكەكە كردوویانەو لە بەشەكانی داهاتووش ئەوانە دەناسێندرێن كە كاریان بۆ ئیتلاعاتی ئێرانكردووە.
گەریلایەكی پەكەكە بە (خواكوڕك)ی راگەیاند ئەو هەوڵ و هەواڵانە نەزۆرك و بێ بنەمان, ئێستا هەموو پەكەكە لە بەرنامە سەرەكیەكەی رێبەر ئاپۆ لایانداوە كە خەباتە دژ بە داگیركاری, كەچی بە زەقی دوو باڵدەبیندرێت, باڵێك گەریلا دەستگیر دەكات كە لەگەڵ میت كاری كردووە ئەوەی تریش گەریلا دەستگیر دەكات كە لەگەڵ ئیتلاعات پەیوەندی هەیە, لەكاتێكدا هەموو هەوڵەكە بۆ ئەوەیە هەستی نیشتمان پەروەری قەتیس بكەن, كادرە نەتەوەییە چاڵاكەكانی نێو پەكەكە دەستگیر دەكرێن, یان ئەوانە دەستگیر دەكرێن كە ئامادەنین بەكرێگیراوی هیچ هێزێكی دەرەكی بن.
