گروپێکی حەشدی شەعبی هانا بۆ پلانێکی پێشوەختە دەبات بۆ خۆپاراستن لە هێرشی ئاسمانی
هێرشە دووبارەکانی سەر پێگە و سەربازگەکانی گروپە دیارەکانی سەر بە حەشدی شەعبی لە عێراق و نەخاسمە ناوچە ئازادکراوەکانی ژێر دەستی داعش کاری کردۆتە سەر ئەم گروپانە و مەترسیان لێ نیشتووە لە هێرشێکی نوێ و بەتایبەتی ئەوانەی لە ئێران نزیکن لەگەڵ زیادبوونی گرژیەکانی نێوان واشنتۆن و تاران .
لە 20 ی تەموزی ڕابردوو فڕۆکەیەکی ئاراستەکراوی نادیار هێرشی کردە سەر سەربازگەی شوهەدای سەر بە حیزبوڵڵا لە قەزای دووز و چەندین کوژراو و برینداری لێ کەوتەوە و لە نێوانیان دا فەرماندەیەکی سوپای پاسدارانی ئێران، ئەمەش وای لەو گروپانە کرد سەربازگەکانیان چۆڵ بکەن و شوێنەکانیان بگۆڕن .
ئۆپەراسیۆنی چۆڵ کردنی سەربازگەکان و گواستنەوەی ڕۆکێت و چەکە قوڕسەکان لە درەنگانی شەو و لە ڕێگایەکی لابەلا و خۆڵاوی و لە نێوان دارە چڕەکان ئەنجام درا بۆ خۆپاراستن لە ئاشکرابوونی شوێنە نوێیەکانیان و چەکە قوڕس و ڕۆکێتەکان لە ژێر خاك و بە قووڵی 3 مەتر حەشار دران .
