سەرۆکی حکومەتی هەرێمی کوردستان پێشوازی لە شاندی باڵیۆزخانەی هۆڵەندا دەکات
مەسرور بارزانی سەرۆکی حکومەتی هەرێمی کوردستان پێشوازی لە ماتیس ڤۆڵتەرز و شاندی یاوەری لە بالیۆزخانەی هۆڵەندا لە عێراق کرد .
ماتیس ڤۆڵتەرز باڵیۆزی هۆڵەندا لە عێراق هاوکات کە پیرۆزبایی خۆی ئاراستەی مەسرور بارزانی کرد بە بۆنەی دەستبەکار بوونی کابینەی نوێ ، پشتیوانی وڵاتەکەی لە کابینەی نوێ دەربڕی و گووتی وەک بەشێک لە هێزی هاوپەیمانان لە مەشق و ڕاهێنانی هێزەکانی پێشمەرگە بەردەوام دەبین .
لە بەشێکی تری قسەکانیدا ئاماژەی بە وەبەرهێنانی کشت و کاڵی دا و لەم بووارەشەوە بەڵێنی هاوکاری هۆڵەندای ڕاگەیاند .
مەسرور بارزانی بە سپاسێکی تایبەتەوە لە هاوکاری هەمە لایەنەی هۆڵەندا گووتی ئێمە چاوەڕوانیمان لە دۆستەکانمان هەیە ، هاوکاری حکومەت بن بۆ گەشەپێدانی هەموو بووارەکان بۆ ئەوەی بە یەک سەرچاوەی داهات داهاتوومان نەخەینە مەترسیەوە .
