ژنانی سعوودیا لەمەودووا دەتوانن بەبێ پرسی پیاوەکانیان بۆ دەرەوەی وڵات گەشت بکەن
حکومەتی سعوودیا رۆژی پێنج شەممە ڕایگەیاند ژنانی وڵاتەکەی لەمەودووا بە بێ ئەوەی پێویستیان بە ئیزنی هاوسەرەکانیان بێت دەتوانن پاسپۆرت وەرگرن و سەردانی دەرەوەی سعوودیا بکەن .
بڕیاری نوێی حکومەتی سعوودیا رێک پێچەوانەی یاساکانی دەسەڵاتداری و سەرپەڕشتیاری پیاوانی عەرەبە چوونکە تا ئیستا باوک ، مێرد ، تەنانەت براگەورەش دەیتوانی وەک گەورەی ئەوان ئەژمار بکرێت تا کوو بتوانن بە ئیزنی ئەوان پاسپۆرت وەرگرن .
بە پێی یاسای نوێ ئەو ئافرەتانی تەمەنیان دەگاتە 21 ساڵ دەتوانن بە تەنیایی پاسپۆرت وەرگرن و گەشت بۆ دەرەوەی وڵات بکەن .
یەک لە رۆژنامەکانی سعوودیا ئەوەی بە سەرکەوتنێکی گەورە بۆ ئافرەتانی وڵاتەکەی وەک سەردێر بڵاو کردۆتەوە
