مەسرور بارزانی پێشوازی لە کونسوڵی نوێی کۆماری ئیسلامیی ئێران لە هەولێر دەکات
مه‌سرور بارزانی، سه‌رۆكی حكوومه‌تی هه‌رێمی كوردستان و كونسوڵی نوێی كۆماری ئیسلامی ئێران له هه‌ولێر، پەرەپێدانی پەیوەندییە هەمە چەشنەکان، بە تایبەت لە بواری ئابورییان تاوتوێ كرد.
ئەمڕۆ 5/8/2019، مەسرور بارزانی سەرۆک وەزیرانی هەرێمی کوردستان پێشوازی لە نەسروڵڵا رەشنودی كونسوڵی نوێی ئێران لە هەولێر کرد.
لەو دانیشتنەدا، کونسوڵی کۆماری ئیسلامی ئێران، وێرای پیرۆزبایی لە سەرۆکوەزیرانی هەرێم ئاواتی سەرکەوتنی بۆ کابینەی نوێی حکومەتی هەرێم خواست.
هەروەها مەسرور بارزانی بە خێرهاتنی کونسوڵی نوێی کرد و هیوای سەرکەوتنی بۆ خواست.
لەم دیدارەدا، پەرەپێدانی پەیوەندییە هەمە چەشنەکان، بە تایبەت لە بواری ئابووری خرایە بەر باس و گفتوگۆ.
