پەرلەمانتارێكی پارتی: پەرلەمان و حكومەت هاوڕانە لەسەر چاكسازیەكی ریشەیی

ئەو پەرلەمانتارەی پارتی دەشڵێت: “وتاری سەرۆكی حكوومەت لە پەرلەمان و كۆبوونەوەكانی ئەم دووایەی ئەنجومەنی وەزیران، ھەموو خاڵەكان لەسەر بابەتی چاكسازی بوو، ئەو ڕێنماییانەشی كە ئەنجومەنی وەزیران دەریكردن ھەمووی پەیوەست بوون بە چاكسازی و ھەنگاوێكیش بوو، بۆ بەجێگەیاندنی چاكسازی.”

هەروەها لەیلا عەبدولجەبار دەشلێت: ” ھەوڵی جددی لە لایەن سەرۆكی حكوومەتەوە ھەیە، ئێمەش پشتیوانی ئەو ھەوڵەی سەرۆكی حكوومەتین، بۆ ئەوەی گەندەڵی و نادادپەروەری لە ھەرێمی كوردستان بنبڕ بكرێت هەروەها دەزگای دەستپاكیی ھەرێمی كوردستان پێشنیاریان وایە كە دادگایەكی سەربەخۆیان ھەبێ، بۆ ئەوەی كەیسەكانی گەندەڵی یەكلا بكەنەوە، بەجێگەیاندنی ئەم ھەنگاوەش گرینگە، وەكو پەرلەمانیش دەمانەوێت لەسەر ئاستی كوردستان بە زووترین كات پرسەكانی گەندەڵی یەكلا بكەینەوە.”

لەیلا عەبدولجەبار پێیشی وایە: “زۆرترین قسە لەسەر بابەتی خانەنشینیی پلە تایبەتاكانە، واتا خانەنشینانی پێشمەرگە و پەرلەمانتار و وەزیرەكان دەگرێتەوە. ھەروەھا نادادپەروەری بەگشتی لە دامەزراوەكاندا ھەیە، ھەوڵ دەدەین ئەو نێوانە نەمێنێ.”