كۆمەڵێك بڕیار لە وەزارەتی ناوخۆ دەرچوو .. بزانە بڕیارە نوێیەكان چیە؟
![](https://xwakurk.com/wp-content/uploads/2019/07/رێبەر-ئەحمەد.jpg)
وەزارەتی ناوخۆی حكوومەتی هەرێمی كوردستان لە كۆبوونەوەی لەگەڵ كۆمەڵێك بەڕێوەبەرایەتی، كۆمەڵێك ڕێنوێنییان بۆ ناوچە گەشتیارییەكان بڵاو كردەوە پێویستە پێیەوە پابەند بن.
بەپێی ئەو نووسراوەی “خواكوڕك” دەستی كەوتووە و تێیدا هاتووە، پێویستە شوێنە گەشتیارییەكان ڕەزامەندی لایەنی پێوەندیدار وەربگرن و هەڵواسینی تابلۆی وەك مەلەكردن قەدەغەیە، ئاگركردنەوە قەدەغەیە و بوونی كەسانی شارەزا لە بواری فریاگوزاری سەرەتایی و ڕزگاكردنی ناو ئاو لەگەڵ بوونی سندووقی فریاگوزاری سەرەتایی لە شوێنە گەشتیارییەكان هەبێت.
ڕوون كراوەتەوە، پێویستە خاوەن شوێنە گەشتیارییەكان پەرژین و بەربەستی سەلامەتی دابنێن لە شوێنە مەترسیدارەكان، لەگەڵ دانانی چووپ لەناو بەلەمەكان بەمەبەستی ڕزگاركردنی گەشتیاران و لەگەڵ كامێرایی چاودێری لە شوێنە گەشتیارییەكان، ههروهها پێویستە تۆڕی كارەبا بەشێوەی سەلامەت دابنرێت لەگەڵ ڕووناكی لەكاتی شەو و بەكارهێنانی دەرمانی دژەمار و دووپشك و كردنەوەی گەراجی مۆڵەتدراو لە شوێنە گەشتیارییەكان.
ئەو ڕێنوێنییە نوێیانە لە كاتێكدایە بە بڕیارێكی سەرۆكی حكوومەت بڕیار دراوە پێداچوونەوە دووبارە بۆ پاراستنی گەشتیاران بكرێت لە شوێنە گەشتیارییەكان.
![](http://xwakurk.com/wp-content/uploads/2019/08/وەزارەتی-ناوخۆ-225x300.jpg)