به هۆی ڕووبه‌وڕوو بوونه‌وه چه‌كداریه‌كان له ته‌رابلوسی پایته‌ختی لیبیا ته‌نها له مانگی هه‌شت زیاتر له هه‌زار كه‌س كوژراون
ئاژانسی هه‌واڵی شینخوای چینی رایگه‌یاندووه، هێزه چه‌كداره‌كانی حكومه‌تی هاوپه‌یمانی نیشتمانی كه له لایه‌ن نه‌ته‌وه‌یه‌كگرتووه‌كان پشتگیری ده‌كرێن له هێله‌كانی ڕووبه‌ڕوو بوونه‌وه‌ی ته‌رابلوس له لیبیا بیندراون دوای ئه‌وه‌ی شانزه‌ی ئه‌م مانگه ڕووبه‌ڕووی هێزی چه‌كداری نه‌ته‌وه‌ی لیبیا بوونه‌وه كه هه‌وڵیان ده‌دات ده‌ست به‌سه‌ر ته‌رابلوس دابگرن و حكومه‌ت هه‌ڵبوه‌شێننه‌وه.
به پێی راپۆرتێكی رێكخراوی ته‌ندروستی جیهانی له‌م ڕووبه‌ڕوو بوونه‌وانه‌دا تا ئێستا زیاتر له هه‌زار كه‌س كوژراون و پێنج هه‌زار و حه‌وتسه‌د كه‌س بریندار بوونه‌و زیاتر له سه‌د و بیست هه‌زار كه‌س ماڵ وحالیان جێ هێسشتووه.
