سوپا و ئۆپۆزیسیۆنی سودان ڕاگەیەندراوی یاسای بنەڕەتی وڵاتیان واژوو کرد
ئەنجوومەنی سەربازی کاتی سودان و ئۆپۆزیسیۆنی ئەو وڵاتە رۆژی ئەمڕۆ شەممە لە مەراسیمێکی تایبەتدا و بە ئامادە بوونی میوانانی باڵای وڵاتانی دەرەوە ( ڕاگەیەندراوی یاسای بنەڕەتی ) سودانیان واژوو کرد . واژووی تاپۆی ئەم ڕێکەوتنە بە ناونجیگەری یەکیەتی ئەفەریقا هاتە ئاراوە .
بە هەزاران هاووڵاتی سودانی بە بەرزکردنەوەی ئاڵای وڵاتەکەیان لە شەقامەکاندا خۆشی خۆیان بۆ ئەم ڕێکەوتنە دەربڕی .
هاوکات لە گەڵ واژووی ئەم ڕێکەوتنە لێپێچینەوەی یاسایی ( عومەر بەشیر ) سەرۆک کۆماری لە مێژینەی سودان دەست پێدەکات .
عومەر بەشیر لە سەرەتای بەهاری 2019 لە دووای ڕاپەڕینی خەڵکی وەزاڵە هاتووی سودان لە دووای 30 ساڵ بە دەستی سوپای وڵاتەکەی لە کار لادرا .
