مەترسی داڕمانی ئابووری عێراق لە ئارا دایە
ڕێکخراوێکی سەر بە نەتەوە یەکگرتووەکان دەڵێت داڕمانی ئابووری عێراق هۆشداری تایبەتی دەوێت ، چوونکە لە ماوەی ٧ ساڵدا کێشە سیاسی و ئەمنییەکانی ئەو وڵاتە ٣٦ ملیارد دۆلاریان خەسار هەبووە و قەرزی کەلەکە بووش هەروا زیاد دەکات
ڕێکخراوی ئۆنکتاد بۆ گەشەپێدان هەموو زانیاریەکانی لەم بارەوە بە بەڵگەوە خستۆتە ڕوو .
ئەوە هاوکاتە لە گەڵ یەکڕا بوونی زۆرێک لە پەرلەمانتارانی عێراقی کە پێیان وایە کێشەی تایفیەکانیش هۆکاری سەرەکین بۆ ئەم دۆخە .
ڕێکخراوی ئونکتاد لە ڕاپۆرتێکدا دەڵێت : لە ماوەی یەک ساڵدا عێراق ٤.٨٨٥ ملیار دۆلار زیانی بەر کەوتووە .
لە بەشێکی تردا بە ئاماژەدان بە ساڵەکانی ٢٠١٣ تا ٢٠١٨ دەنووسێت ، هۆکاری بەردەوامی جەنگ و تووندوتیژیەکان بوونەتە هۆکاری سەرەکی زیان گەیاندنی ئابووری بە ڕێژەی ٣٦ ملیارد دۆلار بە عێراق و تا ئێستاش هەر وا بەردەوامە
