ئاسانترین ڕێگه‌یه‌ بۆ سپیكردنه‌وه‌ی‌ ددان

ئه‌نجامه‌كانی توێژینه‌وه‌یه‌كی نوێ جۆرێك پێكهاته‌ی‌ كیمیاوی نوێی دیاریكردوه‌ كه‌ ده‌كرێت بۆ سپیكردنه‌وه‌ی‌ ددان به‌كاربهێنرێت بێ ئه‌وه‌ی‌ هیچ زیانێكی لاوه‌كی بۆسه‌ر مینای ددان هه‌بێت كه‌ به‌هۆی به‌كارهێنانی پیرۆكسیدی هایدرۆجینه‌وه‌ دروست ده‌بێت.

ئه‌م توێژینه‌وه‌یه‌ له‌ لایه‌ن كۆمه‌ڵه‌ی‌ ئه‌مه‌ریكی بڵاوكراوه‌ته‌وه‌ و تیایدا هاتوه‌ ده‌كرێت پێكهاته‌ی‌ دووه‌م ئۆسكیدی تیتانیۆم بۆ سپیكردنه‌وه‌ی‌ ددان به‌كاربهێنرێت بێ ئه‌وه‌ی‌ هیچ زیانێكی مه‌ترسیدار و لاوه‌كی هه‌بێت.

دووه‌م ئۆكسیدی تیتانیۆم له‌ ته‌واوی جیهاندا بۆ سپیكردنه‌وه‌ی‌ كاغه‌ز و گه‌نم و بۆیاخ به‌كارده‌هێنرێت و به‌ پێكهاته‌یه‌كی كیمیاوی سه‌لامه‌ت داده‌نرێت كه‌ ده‌توانرێت ددانی پێ سپی بكرێته‌وه‌ و هاوشێوه‌ی‌ پیرۆكسیدی هایدرۆجین هه‌مان توانای سپیكردنه‌وه‌ی‌ ددانی هه‌یه‌ بێ زیان گه‌یاندن به‌ مینای ددان.