روحانی :چاوپێکەوتن لە گەڵ هەر کەسێک کە بەرژەوەندی نشتیمانی تێدابێت بەلامەوە ئاساییە
![](https://xwakurk.com/wp-content/uploads/2019/08/webste-qalb-wena-46.jpg)
حەسەن روحانی سەرۆک کۆماری ئێران رۆژی دووشەممە لە گوتارێکدا ڕایگەیاند ئەگەر کۆبوونەوە لە گەڵ کەسێک بەرژەوەندی نشتیمانی تێدا ڕەچاو بکرێت ئامادەم .
حەسەن روحانی لە مەراسمی دەستکەوتەکانی حکومەت لە بەشی ژێرخانی ئابووری لادێکاندا ، لە گوتارێکدا ڕایگەیاند ئەگەر بزانم دەچمە کۆبوونەوەیەک و لە گەڵ کەسێکی چاوەڕوان نەکراو چاوپێکەوتن دەکەم ، بەو مەرجەی بەرژەوەندی نشتیمانی و خۆشگوزەرانی خەڵکی ئێرانی تێدا بێت ئامادەم .
سەرۆک کۆماری ئێران بە ئاماژە بە گووشاری بە قەولی خۆی دوژمنان بۆ سەر ئێران گووتی ، وڵات پێویستە بەرەو پێشەوە بچێت ، حکومەت لە پێناو بەرژەوەندی هەمە لایەنە هەموو ڕێکارێک دەگرێتە بەر ، بۆیەش لە سەر ئەو باوەڕەم بۆ پێشکەوتنی وڵات نابێت لە هیچ ئەگەرێک سڵ بکەینەوە .
چاودێران پییان وایە ، روحانی لە لایەن زەریفەوە ئاگادار کراوەتەوە کە ئەگەری دانوستان لە گەڵ ترەمپ دێتە ئاراوە .