سەبارەت بە دانوستان لەگەڵ ترمپ هۆشداری توند دەدرێتە روحانی
بەشێک لە نوێنەرانی پەرلەمانی ئێران لە نامەیەکی فەرمیدا پرسیار لە حەسەن روحانی سەرۆک کۆماری ئێران دەکەن بۆچی لە دژی هەڵوێستی ڕێبەری دینی ئێران دەجوڵێتەوە ، نامەی ئەوان ئاماژەیە بە ئەگەری کۆبوونەوەی روحانی لە گەڵ ترمپ سەرۆک کۆماری ئەمریکا .
لەم هۆشداریەدا پرسیار لە روحانی کراوە هۆکار چیە لە دژی ڕێبەری ئێران هەڵویستی جیاوازت هەیە لە هەمبەر ئەمریکا ؟ بۆچی هەوڵی ئەوە دەدەی لە گەڵ کەسێک دانوستان بکەی کە خۆت دەتگوت شێت و پێتە ، ئەوە لە کاتێکدایە خامنەیی گوتوویەتی بە هیچ شێوەیەک دانوستان لە گەڵ ئەمریکا ناکەیین .
ماڵپەڕی فەرمی پەرلەمانی ئێران لە دووای یەک کاتژمێر بڵاوی کردەوە نوێنەرانی نارازی لەم بارەوە گەیشتوونەتە 100کەس و 16 کەسیش ڕاستەوخۆ هۆشداریان داوەتە سەرۆک کۆماری ئێران .
