نه‌وت له هه‌فته‌ی زێڕینی خۆی دایه
خواكوڕك
رۆژی 30/11/2016 ئه‌ندامانی رێكخراوی ئۆپیك بڕیاریاندا كه رێژه‌یه‌ك، به‌بڕی ملیۆنێك و 200 هه‌زار به‌رمیل له رۆژێكدا، له نه‌وتی به‌رهه‌م هاتووی رۆژانه‌یان سڕبكه‌ن و نه‌خه‌نه بازاڕه‌كانه‌وه، ئه‌م بڕیاره‌ش نرخی نه‌وتی به‌ڕێژه‌ی %16 به‌رزكرده‌وه.
دوای ئه‌وه‌ی ئه‌ندامانی رێكخراوه‌كه گه‌یشنه رێكه‌وتن له‌باره‌ی سڕكردنی به‌شێك له‌نه‌وتی به‌رهه‌مهاتووی خۆیان، روسیا له ده‌ره‌وه‌ی رێكخراوه‌كه هاوكاری خۆی بۆ بڕیاره‌كه ده‌ربڕی و بڕیاریدا رێژه‌یه‌ك له نه‌وتی خۆی سڕبكات.
نرخی نەوت لە سەرەتای هەفتەی رابردوو لە ٤٦ دۆلار و ٦٤ سەنتەوە بەرز بووەوە بۆ ٥٤ دۆلار و ٣٩ سەنت و نزیكەی هەشت دۆلار لە نرخەكەی هەڵكشا كە بە رێژە دەكاتە سەرووی ١٦.٧%.
ئه‌م به‌رزبوونه‌وه‌یه پێده‌چێت به‌رده‌وام بێت به درێژایی ئه‌و ماوه‌یه‌ی كه‌وه‌كو نیازپاكی دانراوه بۆئه‌ندامانی رێكخراوه‌كه، كه‌بریتیه له 6 مانگ، و ئامانج له‌م رێكه‌وتنه به‌رزكردنه‌وه‌ی نرخی نه‌وته بۆ ئاسته‌كانی 60 دۆلار بۆ هه‌ر به‌رمیلێك.
