بڕیارەكانی كابینەی نوێی حكومه‌ت بەدڵی عەلی باپیرە
پاش ئەوەی لەلایەن پارتییەوە رێگە نەدرا كۆمەڵی ئیسلامی بەشداری لەكابینەی نوێدا بكات و ناچاربوو ببێتە ئۆپۆزسیۆن، ئەمیری كۆمەڵی ئیسلامی ستایشی كارەكانی كابینەی نوێ دەكات.
به‌گوێره‌ی ئه‌و زانیارییەكانی ده‌ست ده‌زگایی میدیایی (خواكوڕك) كه‌وتوون، عه‌لی باپیر له کۆبوونه‌وه‌یه‌کدا وتویه‌تی: کابینه‌ی ئێستا بڕیاری باشی ده‌رکردووه و ئه‌گه‌ر وا به‌رده‌وام بێت، واجبی شه‌رعیه پشتیوانی بکه‌ین. هەرچەندە ئێمە بڕیارمانداوە ئۆپۆزسیۆن بین، بەڵام ئەو بڕیارانەی لەم چەند مانگەدا دراون هەموویان لە خزمەتی خەڵكی كوردستاندان و پێویست دەكات پاڵپشتی بكەین.
