چه‌كدارانی نه‌ناسراولە نەینەوا  5 ئه‌ندامی خێزانێکیان کوشت

لە گوندێکی سەر بە ناوچەی حەمام عەلیل ژومارەیەک چەکداری نەناسراو هێرشیان کردە سەر ماڵێک و 5کەس لە ئەمدامانی ئەو ماڵیان کوشتووە ، ئەم زانیاریە لە لایەن سەرچاوەیەکی ئەمنی پارێزگای نەینەوا پشتڕاست کراوەتەوە .

وەک سەرچاوەکە ئاماژەی پێدەدات کوژراوەکان لە باوک و دایک و سێ مناڵ پێکهاتوون  و تەرمەکانیشیان لە ئیستادا لە پزیشکی دادی موسڵ ڕاگیراوە .

هاوکات زانیاریەکان باس لەوە دەکەن بەشێکی زۆر لە خێزانەکانی ناحیەی نەمروودی سەر بە قەزای حەزەر لە باشووری پارێزگای نەینەوا لە ترسی هەڕەشەکانی سەرلەنوێی داعش ماڵ و حاڵی خۆیان بە جێ هێشتووەو ئاورە بوونەوە .