ئایا نینۆك کرتاندن به ددان زیانی هه‌یه؟
نینۆک کرتاندن له‌و نه‌ریته خه‌راپانه‌یه که ته‌نیا زیانی بۆ ته‌ندرووستی نییه به‌ڵکوو زیانی مه‌ترسیداریشی هه‌یه و زووتر تووشی په‌تا ده‌بیت له به‌ر ئه‌وه‌ی که به‌کتریا و ڤایرۆسه‌کان له نینۆکه‌وه بۆ ده‌م ده‌گوازرێته‌وه.
به پێی ڕاپۆرتی جام کوردی، گرنگترین مه‌ترسییه ته‌ندرووستییه‌کانی نینۆک خواردن بریتییه له:
وا ده‌کات نینۆکه‌کانت به شێوه‌یه‌کی ناڕێک و ناسرووشتی بڕوێته‌وه و شێوه‌ی ناشیرین ده‌بێت.
زه‌رده‌خه‌نه‌کانت تێک ده‌دات به‌و پێیه‌ی ڕه‌نگه ببێته هۆی شکاندنی ددانه‌کانت و له گه‌ڵ تێپه‌ڕبوونی کاتدا گرفتی شه‌ویلگه‌کان درووست ده‌کات.
تووشی نه‌خۆشیت ده‌کات به‌و پێیه‌ی ده‌ست و نینۆک شوێنی کۆبوونه‌وه‌ی میکرۆبه.
نینۆک کرتاندن زیان به نینۆک و شانه‌کانی ده‌وری ده‌گه‌ێنێت و زیاتر نینۆکه‌که ده‌چه‌قێنێته گۆشته‌که‌وه.
ده‌بێته هۆی گرفتی لێوه‌کان و تێکدانی ڕه‌گی ددان و هه‌وکردنی ده‌م و برین.
