سەركردەیەكی گروپی سەرایا سەلام كوژرا
سەرچاوەیەکی ئەمنی لە سامەرا رایگەیاند، سەركردەیەكی گروپی سەرایا سەلام كوژراوە و دوو چەکداری دیکەی گروپەکەش برینداربون.
میدیاكانی عێراق بڵاویان كردووەتەوە، درەنگانی شەوی رابردوو چەكدارانی داعش لە سامەرا، ھێرشیان كردووەتە سەر خاڵێكی گرووپی سەرایا سەلامی حەشدی شەعبی كە سەر بە رەوتی سەدرە و شەڕ و رووبەڕووبوونەوەیەكی بەھێز لە نێوانیاندا روویداوە، لە ئەنجامدا سەركردەیەكی سەربازی گرووپەكە كوژراوە و چوار چەكداری دیكەشیان بریندار بوونە.
هاوکات گروپی سەرایا سەلام لە راگەیەندراوێكدا کوژرانی سەرکردەی گروپەکە پشتڕاستکردوەتەوە و رایگەیاندوە، ناوی جەمال ئیبراھیم دلێمی-یە.
لەلایەكی دیكەوە درەنگانی شەوی رابردوو ھێرشێكی چەكداری لە ناوچەی بوبل شام لە بەغدا روویداوە و لە ئەنجامدا ھاووڵاتییەك كوژراو و دووی دیكەش بریندار بوون.
