سەرۆك بارزانی پێشوازی لە پارێزگاری نەینەوا دەكات
ئەمڕۆ دووشەممە 2ـی 9ـی 2019 لە سەڵاحەددین سەرۆك بارزانی، پێشوازی لە مەنسوور مورعید، پارێزگاری نەینەوا كرد.
لە دیدارەكەدا بارودۆخی ئیداری و خزمەتگوزاری و بار و گوزەرانی دانیشتوانی مووسڵ و پارێزگای نەینەوا خرایە بەرباس و گفتوگۆ، هەروەها بارودۆخی ئاوارەكان و پڕۆسەی گەڕانەوەیان بۆ ناوچەكانیان تاوتوێ كران.
لەو كۆبوونەوەیەدا سەرۆك بارزانی پاڵپشتیی تەواوی خۆی بۆ ئیدارەی مووسڵ ڕاگەیاند لە كارەكانیان لەپێناو خزمەتی خەڵك و باشتركردنی دۆخی ژیانی ئاوارەكان.
هەر لەو دانیشتنەدا جەخت لەسەر پێویستیی هەماهەنگیی بەردەوامی نێوان هەرێمی كوردستان و پارێزگای نەینەوا كرایەوە.
