جانسن و نەتانیاهوو : نابێت ئێران دەستی بە چەکی ئەتۆمی ڕابگات
سەرۆک وەزیرانی بەریتانیا و ئیسرائیل هاوڕان لە سەر ئەوەی نابێت بە هیچ شێوەیەک ئێران دەستی بە چەکی ئەتۆمی رابگات .
بنیامین نەتانیاهوو ، سەرۆک وەزیرانی ئیسرائیل کە سەردانی لەندەنی کردووە لە کۆبوونەوەیدا لە گەڵ بۆریس جانسن سەرۆک وەزیرانی بەریتانیا داوای کردووە ڕێگری بکرێت لەوەی ئێران دەستی بە چەکی ئەتۆمی ڕابگات و هاوکات رێگر بن لەو کردارانەی ئێران کە بۆتە هۆی بشێوی لە رۆژهەڵاتی ناوەراستدا .
هاوکات بوریس جانسن وێرای ئەوەی نیگەرانی بنیامین نەتانیاهووی بە حەق زانیوە خوازیاری ئەوە بوو کێشەکانی ئێران لە ڕێگای دیپلۆماسیەوە چارە سەر بکرێت .
بەڵام سەرۆک وەزیرانی ئیسرائیل پێداگری لەوە کردووە ئێستا کاتی دانوستان نییەو پێویستە گووشار بخریتە سەر ئێران .
نەتانیاهوو لە کۆتاییدا بە ئاماژەکردن بە دەرچوونی ئیران لە بەشی سێهەمی پاشگەزبوونەوەی ڕێکەوتنی ئەتۆمی گوتوویەتی ، ئەم کرداوە هەنگاوێکی گرینگە بۆ دەست راگەیشتنی ئێران بە چەکی ئەتۆمی .
