رابێرت مووگابە سەرۆک کۆماری پێشووی زیمبابوی لە تەمەنی 95 ساڵیدا کۆچی دوایی کرد
رابێرت مووگابە سەرۆک کۆماری پێشووی زیمبابوی لە تەمەنی 95 ساڵیدا کۆچی دوایی کرد. ئەمەرسۆن منانگاگووا سەرۆک کۆماری ئیستای ئەو وڵاتە هەواڵی کۆچی دوایی مووگابەی لە تویتەری خۆی بڵاو کردەوە .
منانگاگووا لەم پەیامەدا دەنووسێت باوکی دامەزرێنەری زیمبابوی کۆچی دوایی کرد .
مووگابە لە سەنگافوورا کۆچی دوایی کرد ، پێش ئەوەی بمرێت بە چەندین جار بۆ چارەسەری نەخۆشیەکەی سەردانی ئەو ولاتەی کردبوو .
مووگابە لە ساڵی 1987 تا ساڵی 2017 بە ماوەی 30 ساڵ سەرۆک کۆماری زیمبابوی بوو ، لە کۆتاییدا لە ساڵی 2017 ناچار بوو دەست لە کار بکێشیتەوە ، دوواتر لە لایەن سوپای ئەو وڵاتەوە دەست بەسەر کراو لە ماڵەکەی خۆیدا لە ژێر چاوەدێریدا مایەوە .
