لە کۆبوونەوەی ئەمرۆی ئەنجوومەنی وەزیران چەند بڕیارێکی گرینگ دەرکرا
ئەمڕۆ چوارشەممە 2019/9/11 ئەنجومەنی وەزیرانی کوردستان بە سەرۆکایەتی مەسرور بارزانی سەرۆکی حکومەتی هەرێمی کوردستان کۆبوونەوەی ئاسایی خۆی بەرێوە برد
دەرئەنجامی کۆبوونەوەی هاوبەشی حکومەتی هەرێمی کوردستان و فراکسیۆنە کوردستانییەکان لە ئەنجومەنی نوێنەرانی فیدراڵ و ئەندامانی لیژنەی دارایی لە فراکسیۆنە کوردستانییەکان کە رۆژی 8 ی ئەیلول لە هەولێر بەسترا خرایە وەک یەکەم تەوەر باسی لە سەر کرا .
.هاوکات بڕیار درا هەفتەی داهاتوو شاندێکی حکومەتی هەرێمی کوردستان بە مەبەستی گفتوگۆ سەبارەت بە پرسی بوجە و بەشداری هەرێمی کوردستان لە قۆناخی نووسینەوەی رەشنووسی بوجەی 2020 لەلایەن وەزارەتی دارایی فیدراڵ سەردانی بەغدا بکات .
. بڕیارە لەم سەردانەدا بانگهێشتی لیژنەکانی ( دارایی، نەوت وگاز ، یاسایی ) لە ئەنجومەنی نوێنەرانی عێراقیش بکرێت سەردانی هەرێمی کوردستان بکەن .
وا بڕیاریشە سبەی پێنجشەممە شاندێکی حکومەتی هەرێم لەگەڵ پەرلەمانی کوردستان کۆبوونەوەیەک ئەنجام بدات پێگەیاندنی زانیاریی پێویست لە بارەی گفتوگۆی نێوان حکومەتی هەرێمی کوردستان و حکومەتی ناوەندی بەغدا .
لە بەشی دووهەمی کۆبوونەوەکەدا ، راپۆرتێک لەلایەن وەزیری پلاندانانەوە سەبارەت بە پڕۆژەی سەرژمێری لە عێراق خرایە ڕوو کە بڕیارە ساڵی 2020 ئەنجام بدرێت. هەبۆیەش بڕیاربە دانانی لیژنەیەکی تایبەت درا بۆ چاودێری و گرتنەبەری ڕێکاری گونجاو لە بەرژەوەندی هەرێمی کوردستان
لە کۆتاییدا ڕێکخستنەوەی باج لە بەرژەوەندی گشتیدا تاوتوێ کرا و میکانیزمی نوێ لە داهاتوودا کاری پێدەکرێت
