سەرۆك بارزانی و عیرفان عه‌بدولعه‌زیز جەخت لە یەكڕیزیی لایەنە كوردستانییەكان ده‌كه‌نه‌وه‌

ڕۆژی یەكشەممە 15ـی 9ـی 2019 لە سەلاحەددین سەرۆك مەسعود بارزانی پێشوازی لە مامۆستا عیرفان عەبدولعەزیز ڕابەری بزووتنەوەی ئیسلامیی كوردستان كرد.

لەو دیدارەدا بارودۆخی سیاسی عێراق و ناوچەكە و دوا پێشهاتەكان تاوتوێ كرا و جەختیش لە پێویستیی یەكڕیزیی لایەنە كوردستانییەكان بۆ تێپەڕاندنی تەحەددیاتەكان كرایەوە.

پەیوەندییەكانی هەردوولا تەوەرێكی تری دیدارەكە بوو.