دوو بەڕێوەبەری گەرمیان بە تۆمەتی گەندەڵی دەستگیر کران
بەپێی مادەی ٣٤١ و ٣٠٧ لە یاسای سزادانی عێراقی هەریەک لە بەڕێوەبەری وەبەرهێنان و بەرێوەبەری گومرکی گەرمیان دەستگیر کران .
سەرچاوەیەکی تایبەت بە خواکوڕک لە گەرمیانەوە باس لەوە دەکات حوسێن ئەحمەد، بەڕێوەبەری گومرکی گەرمیان و عومەر محەمەد، بەڕێوەبەری وەبەرهێنانی گەرمیان بە تاوانی بەرتیل وەرگرتن و دەربازکردنی جەرگی مریشکی ماوە بەسەر چوو دەستگیر کراون و دادگای گەرمیان خەریکی لێکۆڵینەوەی پەڕاوی ئەم بووارەیە .
هەر لەم بارەوە وتەبێژی بەرێوەبەرایەتی پۆلیسی گەرمیان عەلی جەماڵ قەدووری لە لێدوانێکدا بۆ ڕاگەیاندنەکان ئاشکرای دەکات هەواڵەکە ڕاستەو هەردووک بە ڕێوەبەرەکە بە دوو تۆمەتی جیاواز ، لە دادگای نزاهەی گەرمیان کار لە سەر دۆسیەکانیان دەکرێت .
زانیاریەکان باس لەوە دەکەن بەڕێوەبەری گومرگ ٢١ تەن جگەری مریشکی بەستووی بە بێ پشکنین لە سنووری نێودەوڵەتی پەروێزخانەوە دەربازکردووە لە ڕێکەوتی ٥/٣/٢٠١٩
بەرێوەبەری بەرهەمهێنانیش بە بەرتیل وەرگرن و بەرتیل دان تاوانبارە
