سەرەتای مانگی ١٠ حەوت رۆژ پشوو دەبێت لە هەرێمی کوردستان
![](https://xwakurk.com/wp-content/uploads/2019/09/webste-qalb-wena-115.jpg)
لە دامودەزگاکانی حکوومەتی هەرێمی کوردستان سەرەتای مانگی ١٠بڕیار دراوە ٧ رۆژ بکرێتە پشووی فەرمی.
لەم بارەوە خەیری پوزانی بەرێوەبەری کاروباری ئێزدیەکان لە وەزارەتی ئەوقاف و کاروباری ئاینی حکومەتی هەرێمی کوردستان رۆژی دووشەم بۆ ڕاگەیاندنەکانی ئاشکرا کردووە ، یەکەمین هەفتەی مانگی ١٠ فەرمانبەرانی ئێزدی لە هەموو دامودەزگاکانی حکومەتی هەرێم ٧ رۆژ پشووی فەرمیان دەبێت .
ئەم بڕیارەش بە بۆنەی ( جەژنی جامایە ) ی ئێزدیەکان ڕاگەیەندراوە و یەک هەفتەی تەواو دەخایەنێت .
لەم جەژنەدا پەرستگەی لالش هەموو ساڵ پێرەوانی خۆی لە خۆ دەگرێت و زیارەتکاران ئاهەنگی تایبەتی خۆیان بۆ بەڵێن تازە کردنەوە دەگێڕن .