قوباد تاڵه‌بانی: له‌سه‌ر سیاسه‌تی پاشه‌كه‌وتی مووچه به‌رده‌وام ده‌بین و ژماره‌ی فه‌رمانبه‌رانیش كه‌م ده‌كه‌ینه‌وه
خواكوڕك
جێگری سه‌رۆكی حكومه‌تی هه‌رێمی كوردستان رایگه‌یاند، “مانگانه بڕی مووچەمان لە 750 ملیۆن دۆلارەوە بۆ 544 ملیۆن دۆلار دابەزاندووە، ناچاربووین خەرجییەكان كەمبكەینەوە و داهات زیاتر بكەین، مووچەی فەرمانبەرانمان پاشەكەوت كرد و دەستمان بە خەرجییەكانەوە گرت”.
قوباد تاڵه‌بانی جێگری سه‌رۆكی حكومه‌تی هه‌رێمی كوردستان، له‌میانی به‌شداریكردنی له شەشەمین كۆنفڕانسی نەوت و غازی هەرێمی كوردستان لە لەندەنی پایتەختی بەریتانیا رایگه‌یاند، “قەیرانی دارایی و ئابووری و شەڕی داعش و ئاوارەبوونی نزیكەی دوو ملیۆن كەس بۆ هەرێمی كوردستان بوونەت كێشە بۆ هەرێمی كوردستان، بۆ چارەسەر كردنیشی پێویستمانی بە پلانەو لە هەوڵی كەمكردنەوەی ژمارەی فەرمانبەرانی هەرێمداین”.
هه‌روه‌ها ده‌شڵێت، “حكومەتی هەرێم پلانی ستراتیژی كاركردنی هەیە بۆ ئەوەی لەڕووی ئابوورییەوە چاكسازی بكەین، بۆیە چاكسازی لە بواری ئابووری و كەرتی كارەبا و جه‌رجیه‌كان و چەند سێكتەرێكی دیكەدا دەكەین”.
پێشتر به‌پرسانی حكومه‌تی هه‌رێم رایانگه‌یاندبوو كه به پێشنیاری قوباد تاڵه‌بانی چاكسازیه‌كانی حكومه‌ت، له ڕووی كه‌مكردنه‌وه‌ی خه‌رجیه‌كان و سیسته‌می پاشه‌كه‌وتی مووچه و راگرتنی دامه‌زراندن ئه‌نجامدراوه.
