ڕاپۆرتێکی نەتەوەیی ژمارەی کۆچبەران لە جیهان ئاشکرا دەکات
![](https://xwakurk.com/wp-content/uploads/2019/09/کۆچبەر.jpg)
لە ڕاپۆرتێکی نەتەوە یەکگرتوەکان هاتووە کە ژمارەی کۆچبەران لە جیهان بۆ ساڵی 2019 گەیشتە 272 ملیۆن کەس واتە 51 ملیۆن کۆچبەر زیادی کردووە بەراورد بە ئاماری ساڵی 2010 ، ئۆروپا زۆرینەی ئەو کۆچبەرانەی وەرگرتووە کە ژمارەیان 82 ملیۆن بووە و ئەمریکای باکوور 59 ملیۆن جگە لە 49 ملیۆن کەس لە ئەفریقیا و ڕۆژئاوای ئاسیا بەمەش کۆچبەران ڕێژەی 5 , 3 % پێك دەهێنن لە ڕێژەی دانیشتوانی وڵاتان.
هەروەها نەتەوە یەکگرتوەکان ڕوونی کردەوە نیوەی کۆچبەران کە ژمارەیان 272 ملیۆنە لە جیهان تەنها لە 10 وڵات گیرساینەوە و ئەمریکا بەتەنیا پشکی شێری بەرکەوتووە بە 51 ملیۆن واتە 19 % ی کۆی گشتی پاشان ئەڵمانیا و ڕوسیا بە 12 ملیۆن و بەریتانیا 10 ملیۆن و فەڕەنسا و کەنەدا و ئوسترالیا هەریەکەیان 8 ملیۆنی بەرکەوتووە جگە لە ئیتالیا کە 6 ملیۆن کۆچبەری وەرگرتووە.
هەر لەم ڕاپۆرتە هاتووە ئەو وڵاتانەی کە زیاترین کەسی لێ کۆچبەر بووە ئەمانەن ، هیند لە سەرووی لیستەکەیە 18 ملیۆن کەس و مەکسیك 12 ملیۆن و چین 11 ملیۆن و ڕوسیا 10 ملیۆن و سوریا 8 ملیۆن.