مەسرور بارزانی : پێویستە بەغدا وەک هەرێمێک لە کوردستان بڕوانێت نەک پارێزگایەک
ئەمڕۆ پێنج شەممە لە پەڕاوێزی یەکەم خولی دەرچووانی زانکۆی ئەمریکی کوردستان لە دهۆک ، مەسرور بارزانی ، سەرۆکی حکومەتی هەرێمی کوردستان لە گەڵ محەممەد حەلبووسی سەرۆکی ئەنجوومەنی نوێنەرانی عێراق کۆبۆوە .
لەم دیدارەدا سەرۆکی ئەنجوومەنی نوێنەرانی عێراق ئەم کۆبوونەوانە بەدەرفەت ناودەبات بۆ لێک تێگەیشتنی زیاتر و خۆشحاڵی خۆشی بۆ پێشکەوتنەکانی کوردستان دەردەبرێت .
حەلبووسی هاوکات پێوەندییەکانی ئێستای هەرێم و بەغدا بە ئەرێنی دەزانێت و هیوا دەخوازێت بە هاوبەشی کێشەکان چارەسەر بکرێت و هاووڵاتیانی کوردستانی و عێراقی سوودی لێ ببینن .
لە بەشێکی تری قسەکانیدا حەلبووسی باسی هەندێک ڕاگەیاندنی ئالۆزی رۆژنامەکانی عێراق دەکات لە دژی هەرێمی کوردستان و دەڵێت ، ئەم هەواڵ و لێدوانانە هەوڵێستی فەرمی بەغدا نین ، چوونکە هەڵویستی بەغدا لە هەنبەر کوردستان زۆر جیاوازترە .
مەسرور بارزانی سەرۆکی حکومەتی هەرێمی کوردستان لە بەرانبەر قسەکانی حەلبووسیدا گووتی : ئێمەش وەک حکومەتی هەرێمی کوردستان ئاواتە خوازین هەموو کێشەکانی نێوان هەولێر و بەغدا لە ڕێگەی دەستوورەوە چارەسەر بکرێت ، چوونکە سەرکەوتنی کوردستان سەرکەوتنی گشتی عێراقی تێدا بەدی دەکرێت .
لە کۆتایی قسەکانیدا مەسرور بارزانی وێڕای ئەوەی پێداگری لە پلانە هاوبەشەکانی ئەمنی نێوان هێزەکانی پێشمەرگەی کوردستان و هێزەکانی عێراقی کرد بۆ لە ناو بردنی پاشماوەکانی داعش گووتیشی پێویستە مامەڵە کردن و تێڕوانینی بەغدا بۆ کوردستان وەک هەرێمێک بێت نەک وەک پارێزگایەک .
