کێشەو ناکۆکی نێوان خێڵ و عەشیرەکانی بەسرە کوژراوو بریندارێکی زۆری لێکەوتۆتەوە
سەرچاوەکانی هەواڵێ لە پارێزگای بەسرەوە بۆ ڕاگەیاندنەکانی ئاشکرا دەکەن ، کێشە و ناکۆکی نێوان خێڵە عەرەبەکانی بەسرە گەیشتۆتە ئاستێک کە لە سەرەتای ئەمسالەوە تا ئێستا بە هۆی تێکهەڵچوونی چەکداری لە نێوانیاندا نزیک ٥٠٠ کەس کوژراوو برینداری لێ کەوتۆتەوە .
وەک کەناڵی سومەرییە باسی دەکات لەو ٥٠٠ کەسە ١١٣ کەس کوژراوو ٤٤٠ کەسیش بریندار بوون .
هەمان سەرچاوە باس لەوەش دەکات زۆربەی بریندارەکان لە کەسانی سڤیلی بێلایەنن کە بە فیشەکی وێڵەکی پێکراون .
